قرّاش: الشعب قاعد يموت سيّدي الرئيس

تحدّثت المستشارة الرئاسية السابقة سعيدة قرّاش، اليوم الاثنين 5 جويلية 2021، عن الوضع الوبائي في تونس.

كما انتقدت غياب وانشغال رئيس الجمهورية ورئيس الحكومة عن هذه الأزمة.

وقالت في تدوينة على حسابها الرسمي "فيسبوك":

"نحب نكتب حاجة تهز المعنويات ما نجمتش، برشا ناس قاعدة تمرض في المحيط متاعي. فيهم شكون مرض قبل و عاود مرض بالكوفيد، و فيهم شكون ملقح الجرعة الاولى فقط و مرض. الاخبار التي لا يعلن عنها سيئة جدا في خصوص نسبة الاصابات و جاهزية المستشفيات و حتى المصحات الخاصة اصبحت غير قادرة على استيعاب المرضى بل لها صعوبات. الاطار الصحي خاصة في القطاع العام على مشارف الانهيار. عندي صاحباتي يبكيو و يحكيو بغصة على العجز على الاحاطة بكل من يستحق جرعة اوكسيجان.

في الاثناء السيد رئيس الجمهورية يجتمع بالقيادات الامنية و العسكرية و كالعادة حرب الصلاحيات! يحب طريقة مبتكرة ، شكون باش يبتكر سيدي الرئيس و انت المهلوس بالابتكار و التجديد و التأسيس؟؟؟ الشعب قاعد يموت سيدي الرئيس و الّي مازال حي باش يموت بالرعب و الخوف و الستراس.

السيد رئيس الحكومة غائب تماما ، قريب يهبطوه في التفتيش، ريحتو ما ثماش. السيد رئيس مجلس النواب أولويتو تمررير اتفاقية لصالح صندوق قطري و تحويل مذكرة تفاهم حول مقر الى اتفاقية دولية ، و الاولوية الثانية خصمو السياسي. النواب و الاحزاب البرلمانية قاعدة تلهط على ردة الفعل، و لا مبادرة و لا تواصل مع الناس لطمأنتهم، و لا مساندة للاطار الصحي، راكشين يعسو على بعضهم و الا علينا اش نكتبو. حتى التبرعات يقومو بتنظيمها مواطنات و مواطنين عاديين بمجهودهم و حبهم لبلادهم.

لذلك عملو على رواحكم و إنقصو من الاستخفاف و الاستهانة بالوضع. الوضع خاااااايب.نحاولو مع بعضناالّي ينجم يعمل حاجة حتى في محيطو الصغير ديما باهي. إنقصو من الدخول و الخروج و نعاونو الناس الّي نعرفوها مستحقة بالّي نقدرو. حمل الجماعة ريش."

في نفس السياق