زكريا بوقرة: اليوم مشيت للقصر أما ما لقيتش الرئيس

قال الدكتور زكريا بوقرة إنه تحول اليوم إلى القصر الرئاسي بقرطاج للقاء رئيس الجمهورية قيس سعيد ليقترح عليه استراتيجية الصفر كوفيد، لكنه لم يلتق به لأنه لم يكن موجودا في القصر.

ودوّن بوقرة على صفحته على شبكة التواصل الاجتماعي "اليوم مشيت للقصر..تونس كلها في بالها أني طالبت بش نقابل رئيس الجمهورية.. عشرات المرات كتبت على الفيسبوك في الإذاعات في التلافز كل نهار نهارين نكلم السيدة نادية عكاشة.. ولا من مجيب

اليوم أمام تدهور الوضع الوبائي، أمام السبيطارات إلي قص علاهم الأكسجين، أمام العدد المهول متع الإصابات والوفيات إلي خلّى تونس الأولى عالمياً في الموتى وفي الإصابات على كل مليون شخص، قررت أني نمشي للقصر بش نقترح على رئيس الجمهورية استراتيجية صححنا عليها 75 طبيب تونسي من جميع الاختصاصات وهي استراتيجية الصفر كوفيد".

وتابع بوقرة "وقيت أن رئيس الجمهورية يتحمل مسؤليتو أمام الشعب وامام التاريخ... هو رئيس مجلس الأمن القومي ومن واجبو أن يحمي تونس من أي خطر داهم... الحجر الصحي الشامل هو من صلاحياته والدليل هو إلي اقروا في مارس 2020"، وأكد أن  "الشعب التونسي ما يستحقش إلي صاير فيه ... حياتنا وحياة عايلاتنا عزيزة برشة ..يزي ما اهدرتو حياة الشعب التونسي، يزي ما بكيتو والدين، يزي ما يتمتو صغار، يزي يزي يزي، يزي ما قتلتونا..اليوم ما لقيتش رئيس الجمهورية في القصر..أما نهار الخميس بش نرجع ..وبش نفهموه أن الشعب التونسي يحب يعيش" وفق تعبيره.

في نفس السياق