2025-04-07 نشرت في
يتم بيعه على الأنترنت: الدكتور لاهيذب يُحذّر من ملح ''الهيمالايا''
تحدّث أخصائي امراض القلب والشرايين ذاكر لاهيذب، اليوم الاثنين 7 افريل 2025، عن ملح الهيمالايا الذي يستعمله عدد من التونسيين ويتم بيعه على مواقع التواصل الاجتماعي.
وقال في تدوينة على حسابها الرسمي "فيسبوك":
ملح الهيمالايا.
العديد من المرضى وخاصة الي عندهم ارتفاع في ضغط الدم والا قصور قلبي الي ننصحوهم بترك الملح، نلقاهم ياخذوا في ملح الهيمالايا بدعوى انه اقل خطورة .
والعديد يسألو على امكانية تعويض الملح البحري بالملح الجبلي.
نحب نعلمهم ان الملح الجبلي القادم من باكستان فيه كلوريدات الصوديوم بنسبة 96% وملحنا البحري فيه 98% يعني تقريبا نفس الكمية ونفس الخطورة.
واللون الوردي هو لوجود كميات صغيرة من الحديد وبعض المعادن ( الي موجودة ايضا في ملحنا البحري).
لكن اهم حاجة هو انو ملحنا فيه اليود وهو معدن مهم جدا للغدة الدرقيةglande thyroïde وهو غير موجود في ملّح الهيمالايا.
معناتها ردوا بالكم راهو الملح البحري أفضل للناس الي ماعندهمش امراض قلب وضغط دم وزيد نافع للغدة، وارخص ثمنا بكثير...
بعض الصفحات في فايسبوك وإنستغرام تبيع في ملح جبلي من باكستان ماهوش صحي للمرضى بالقلب وزيد بالعملة الصعبة واحنا الملح متاعنا موجود.
ولكم سديد النظر"
