أستاذة تنعى احد الضحايا: ''حمّودة...كم كنت هادئا ومبتسم''

نعت الأستاذة هادية بن فرجاني الكاتبة العامة المساعدة للنقابة الأساسية للتعليم الثانوي والتربية البدنية بالمزونة، تلاميذ الجهة الذين وافتهم المنية بعد انهيار جدار المعهد عليهم.

وقد كتبت الأستاذة كلمات مؤثّرة عن أحد الضحايا وهو محمد امين المسعدي.

وقالت:

"شسمك يا ولدي ؟
حمودة.
رجعت لدفتر المناداة هاو مافماش حتى حد اسمو حمودة. شنوة اسمك؟
مدام أنا اسمي محمد أمين أما نحب يناديوني حمودة.. كم كنت هادئا، حمودة و كم كنت ضعيف و صغرون و متبسم ديما كيما هالتبسيمة هذي بالذات ملي كنت صغير و تقرا عندي في الكلاج.. قداش كنت نحبك و تعجبني و انت تخدم بالساكتة و منظم و عارف شنوة تحب و حاط الهدف متاعك قدامك و تخدم باش تحققو.. اليوم الحيط الي طاح عليك حسيتو طاح عليا و عاجزة اني نعزي ميمتك، زميلتي، أمك الي تخدم في نفس المعهد يا الله كيفاش حسّت روحها وهي رادة بالها على صغيرات الناس ووليدها تحت الحجر...
ماما،حمودة، ولد سي سالم المسعدي المعلم الي قراني سنة ثالثة، مات...هكا عرضتني بنتي بالخبر وهي تبكي.. الله يرحمك وليدي ماعندي منقول كان الله يجازي الي كان سبب. الله يرحمك و يصبر نا الكل على غيابك".

في نفس السياق