الدكتور بوقرّة: ''الفيروس موش يلعب معانا بش يعمللنا سوم''

علق الدكتور زكرياء بوقرة، على قرارات اللجنة العلمية لمواجهة فيروس "كورونا".

وقال في تدوينة على حسابه الرسمي "فيسبوك": "ما دام الدولة لم تعلن الحجر الصحي الشامل فان كابوس الكورونا سيتواصل..لازمكم تعرفو ان الحكاية تنجم تزيد تدوم أعوام اخرين موش أشهر ."

واضاف في تدوينة اخرى: "المدة الزمنية للحجر الصحي الاجباري اللازمة لحمايتنا من السلالات الجديدة هي 21 يوم موش 7...الفيروس موش يلعب معانا بش يعمللنا سوم

مع العلم ان كل من السلالات البرازيلية الجنوب أفريقية والهندية موجودين الان في اوروبا".

وكانت الهيئة الوطنية لمجابهة كورونا قد اعلنت في اجتماعها اليوم الاربعاء، جملة من الإجراءات الوقائية للفترة من 3 إلى 16 ماي القادم، من بينها فرض الحجر الصحي الاجباري لمدة 7 أيام على جميع الوافدين على تونس من الخارج ومواصلة تعليق الدروس لجميع المستويات التعليمية (ابتدائي وإعدادي وثانوي) باستثناء الأقسام المعنية بالامتحانات الوطنية، ومنع استعمال الفضاءات الداخلية للمقاهي.

Dans la même catégorie