الأستاذة سلسبيل القليبي تعلق على المرسوم المتعلق بهيئة الانتخابات

علقت أستاذة القانون الدستوري سلسبيل القليبي على ما جاء بالمرسوم الرئاسي المتعلق بالهيئة العليا المستقلة للانتخابات الصدار اليوم بالرائد الرسمي للجمهورية التونسية.

وذكرت الأستاذة في تدوينة على صفحتها أن الهيئة كانت في حاجة إلى "ترميم وخاصة أن عددا من أعضائها انتهت ولايتهم ولم تعد هناك إمكانية لتعويضهم بسبب حل البرلمان (وخاصة أن للأسف ما زلنا نعتبروا أن تنظيم انتخابات تشريعية مبكّرة ما زال بكري عليها ومازالت تنجّم تستنّى ديسمبر الجاي). باهي"

وقالت الأستاذة أنها لم تفهم سبب تحديد مدة 4 سنوات للهيئة الجديدة التي سيختار رئيس الجمهورية أعضاءها "ماو لاباس؟ موش المفروض تكون الهيئة هاذي هيئة وقتية مهمّتها تنظيم الانتخابات التشريعية المقبلة ومن بعد البرلمان الجديد هو إلّي يتصرّف يا إمّا يعمل قانون جديد للهيئة وإلا يخلي القانون على حالو وينتخب أعضاء جدد؟ "

وتابعت قائلة "حاجة أخرى باللاهي وإن كانت ثانوية مقارنة بخطورة المسألة الأولى علاش رئيس الجمهورية اعتمد نفس الخيار إلّي موجود في قانون الهيئة الأصلي والمتمثل في كونو رئيس الهيئة ما يختاروهش أعضاءها بل بعينهولهم رئيس الجمهورية الخيار هذا عمل مشكل كبير في الهيئة الأولى وترتّب عليه استقالة رئيسها. علاش تحبّو تفرضو على الهيئة شكون باش يرأسها علاش ما تخلّيوهمش يدبّرو روسهم ويتفاهمو ما بيناتهم شكون يرأسهم؟!!!" حسب رأيها.

Dans la même catégorie