Publié le 08-09-2022
الصفحة الرسمية: نور شيبة موقوف بدون أدلّة وهو مستحقلكم
جاء بالصفحة الرسمية للفنان التونسي نور شيبة، ليلة امس الأربعاء 7 سبتمبر 2022، توضيحا بخصوص وضعيته القانونية بعد الإيقاف.
وفيما يلي التوضيح: "يوم الجمعة 9 سبتمبر 2022 نور شيبة يسكر 6 أشهر إيقاف دون محاكمة ودون أي دليل إدانة وحاكم التحقيق باش يستدعاه وياخذ قرار بتمديد الإيقاف 6 أشهر أخرين على ذمة التحقيق وهكّا ينجم يخليه عام مرنخ في الحبس بدون حتى أي تهمة.
باهي ننساو نور فنان و مشهور هات نحكيوا على نور مواطن تونسي يا وزارة العدل مواطن موقوف على ذمتك حطمتلو خدمتو نفسيتو صحتو و...و...و...على قضية فارغة ما فيها حتى دليل عيني أو مادي مبنية على أقوال و وشايات فارغة سببها أنو المتهم مشهور
بعد ستة أشهر من الأبحاث و التحقيقات والمكافحات و الإختبارات و... و... و... وما لقيتو حتى صحة ولا دليل للشبهة اللي وقفتوا بيها آش مازلتوا تحبوا سيبو الراجل يروح الدارو ويرجع العايلتوا وحياتوا و خدمتوا و كان عندكم أي دليل يثبت عليه أي تهمة عديووه للمحكمة و عينولوا جلسة.
ملف تحقيق في شبهة تدليس 6 أشهر إيقاف ويحبوا يزيدوه 6 أشهر أخرين وثمة ملفات تحقيق في تهم إرهاب ناس تحقق في حالة سراح.
نور مستحقكم الناس الكل باش تاقفوا معاه."
